الحمد لله الذي هدانا لهذا وما كنا لنهتدي لولا ان هدانا الله. اشهد ان لا اله الا الله
وحده لاشريك له, وا شهد ان محمدا عبده ورسوله. اللهم صل على نور الأنوار وسر
الأسرار وترياق الأغيار ومفتاح باب اليسار سيدنا محمد المختار واله الأطهار
واصحابه الأخيار عدد نعم الله وإفضاله اما بعد : فيا
أيها المؤمنون... أوصيكم ونفسي بتقوى الله.. فقد فاز المتقون..
قال الله
تعالى : يِا أَيُّهَا الَّذِينَ آمَنُواْ إَن تَتَّقُواْ اللّهَ يَجْعَل لَّكُمْ فُرْقَاناً
وَيُكَفِّرْ عَنكُمْ سَيِّئَاتِكُمْ وَيَغْفِرْ لَكُمْ وَاللّهُ ذُو الْفَضْلِ الْعَظِيمِ -٢٩- الانفال
Hadirin jama’ah Jum’ah ingkang minulyo
Sepindah kulo ngaturaken wasiyat Taqwalloh (Taqwo
dumateng Alloh) ateges nindaake sedoyo perintah Alloh lan nebihi sedoyo
awisanipun. Mugi kanti taqwo meniko kito saged angsal perkawis ingkang sampun
dipun janjiaken Alloh SWT arupi suwargi ingkang kebak kelawan ni’mat saking
Alloh SWT Amin Ya Robbal ‘alamin.
Jama’ah
Jum’at ingkang minulyo hafidzokumulloh
Imam ‘Ali bin Abi
Tholib Karromalloohu Wajhah dawuh dumateng salah setunggaling Putranipun :
أوصيك يابني :
1.
بتقوى الله تعالى في الغيب والشهادة
2.
وبكلمة الحق في الرضا والغضب
3.
وبالقصد في الغنى والفقر
4.
وبالعدل مع الصديق والعدوّ
5.
وبالعمل في النشاط والكسل
6.
وبالرضا والشكر لله في الشدة والرخاء
Ingsun
wasiat marang sliramu hai anakku :
1.
Kelawan Taqwo utowo wedi marang Alloh ingdalem kahanan sepi lan
rame
2.
ngaturake kalimat kang haq (kalimat kang bener) ingdalem kahanan
seneng lan bendu
3.
urip kanti sedeng, jejeg anteng ingdalem kahanan sugih lan faqir
4.
netepi agawe adil marang konco lan musuh
5.
netepi ngamal ingdalem kahanan sregep lan males
6.
Ridho nriman lan Syukur marang Alloh ingdalem kahanan susah lan
seneng
Puniko 6 wasiyat
Sayyidaina Ali ingkang dipun wasiyataken dumateng putranipun.
Jama’ah
Jum’at ingkang minulyo hafidzokumulloh
Jum’at puniko kulo panjenengan lumebet wonten wasiyat
terakhir, ongko 6, inggih puniko “Ridho
nriman lan Syukur marang Alloh ingdalem kahanan susah lan seneng”
Wonten mriki kulo
panjenengan dipun wulang dening agami Islam bilih kulo panjenengan wonten
babagan hubungan kalian Alloh SWT puniko mboten kenal namine kahanan. Artosipun
wonten kahanan punopo ke mawon, ingkang namine ngabdi dumateng Alloh SWT mboten
kengeng luntur utowo pudar lan lemah. Keranten sedoyo puniko bakal ndugeake
karidhanan Alloh SWT. Menawi sawijining kawulo puniko sampun angsal karidhanan
Alloh SWT, mulo uripe bakal anteng tur seneng, keranten sajatine deweke iku
urip bebarengan Alloh SWT. Katah sanget profil saking poro shohabat Rodiyalloohu
‘anhum ingkang piyambakipun sami berjuang ngedegake syiar2ipun Agami, awit
saking lingkup keluargo ngantos pemerintahan. Sahinggo kanti sedoyo wau mboten
sekedik saking poro shohabat ugi ingkang nemu pinten2 cubo lan ujian saking
Alloh SWT nanging dipun terampi kanti ikhlas lan ridho dumateng putusanipun
Alloh SWT. Bilal bin robah dipun tindih watu ageng wonten panas terik serngenge
sakperlu nderek piwulang Rosululloh SAW, ugi Khubaib bin Adi ingkang dipun
salib lan manggihi ajal kesyahidan wonten salib keranten saweg mengemban tugas
Rosulillaah SAW. Anas bin Malik, ndugeaken kabektian dumateng ibunipun kanti
dados pelayan Rosululloh SAW awit umur 10 th. Barro’ bin Malik, sederekipun
Anas bin Malik, ugi nderek piwulang Rosululloh SAW ngantos dumuginipun
kesyahidan wonten perang Yamamah ingkang dipun angen2aken dumateng piyambake
kanti semboyan “Alloh lan Suwargo”. Meniko sekedik profil saking poro shohabat,
lan taseh katah engkang sanes. Sahinggo Alloh piyambak wonten Alqur’an ingkang
dados seksi bilih sedoyo shohabat Rosululloh SAW puniko pikantuk predikat Rodhiyallohu
‘anhum wa rodhuu ‘anh : Alloh ridho dumateng piyambake kabeh lan piyambake
kabeh ridho dumateng Alloh.
Jama’ah Jum’at ingkang minulyo hafidzokumulloh
Ulama tafsir
ndawuhake bilih mboten wonten kani’matan lan kanugrahan langgeng ingkang dipun
diparingake Alloh SWT ingkang langkung inggil tinimbang “karidhanan Alloh SWT”
Mugi kulo
panjenengan sami saged angsal karidhanan saking Alloh SWT, sahinggo saged nemu
kabekjanan wonten alam dunyo ngantos akhirat amin Ya Robbal ‘alamin.
Jama’ah
Jum’at ingkang minulyo hafidzokumulloh
Saksampunipun
piwulang Ridho marang putusan Alloh SWT, Islam ugi paring piwulang supados kulo
panjenengan senantiasa syukur dumateng sedoyo kani’matan saking Alloh SWT.
Syukur kanti kulo panjenengan berusaha ngrumangsani bilih sedoyo kani’matan
puniko mboten 100% usaha kulo panjenengan. Ananging kuasanipun Alloh SWT,
sahinggo kanti sedoyo wau kito saged nindaake kewajiban2 ingkang wonten kaitane
kaleh kani’matan ingkang katrampi. Saking sikap syukur puniko, kito saged
terhindar saking sifat2 ingkang awon : arupi Gumede, Kikir, Pengen menang
piyambak, Angkuh, Drengki, Ngersulo lan sakpanunggalipun. Keranten sikap syukur
kolowau sekedik katah saged nggered supados mboten ngrumangsani awake piyambak.
Balik sikap syukur puniko nuntun kulo panjenengan sami, hususipun nuntun manah
supados netepi kesahenan2. Milo leres dawuhipun Alloh SWT :
….لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ
عَذَابِي لَشَدِيدٌ -٧-
Saktemene naliko
syukur kowe kabeh, yekti bakal Ingsun tambah (kani’matan), lan naliko Kufur
siro kabeh, saktemene siksoKu sanget larane (Q.S Ibrohim : 7)
Jama’ah
Jum’at ingkang minulyo hafidzokumulloh
Kekaleh piwulang Islam
ingkang dipun wasiyatake Sayyidina Ali wonten nginggil kolowau, saestu sanget
berharga menggahing kulo panjenengan sami, milo monggo sesarengan sami nindaake
piwulang meniko sarono Iman lan ndepe2 wonten ngarsanipun Alloh SWT. Wonten pundike mawon papan panggenan
kito, wonten wekdal kapanke mawon meniko lan wonten kahanan punopoke mawon.
Langkung2 naliko kulo panjenengan pinanggih kalian papan panggenan ingkang
dipun remeni kalian Alloh SWT kados dene
Masjid, naliko pinanggih wekdal ingkang dipun remeni Alloh SWT kados dene
dinten Jum’ah, wekdal sepertiga dalu, sasi Romadhon lan sakpanunggalipun, monggo
sesarengan dipun tambah anggenipun kito nindaake wasiyat utawi piwulang meniko.
Sebab kapan maleh kito saged angsal tambahing kesahenan katah saking Alloh SWT
sakliyane wonten papan panggenan lan wekdal ingkang dipun remeni Alloh SWT.
Jama’ah
Jum’at ingkang minulyo hafidzokumulloh
Mugi sekedik khutbah
siang puniko saged tambahing Ilmu lan wawasan Islam kulo panjenengan sami, lan
mugi saged dados semangat kulo panjenengan sami kangge ngisi dinten2 wonten
alam dunyo meniko kanti kesemangatan ngabekti dumateng Alloh SWT lan Rosululloh
SAW. Sahinggo mugi saged
saestu pikantuk karidhanan Alloh SWT. Amin Ya Robbal ‘Alamin.
وَالْعَصْرِ
-١- إِنَّ الْإِنسَانَ لَفِي خُسْرٍ -٢- إِلَّا الَّذِينَ آمَنُوا وَعَمِلُوا الصَّالِحَاتِ
وَتَوَاصَوْا بِالْحَقِّ وَتَوَاصَوْا بِالصَّبْرِ -٣-
بارك الله لي ولكم في
القران العظيم ونفعني وإياكم بما فيه من الأيات وذكر الحكيم
وتقبل مني ومنكم تلاوته إنه هو السميع العليم
0 komentar:
Posting Komentar