ISHLAAHUL QOLBI

الحمد لله الذي هدانا لهذا وما كنا لنهتدي لولا ان هدانا الله. اشهد ان لا اله الا الله وحده لاشريك له, وا شهد ان محمدا عبده ورسوله. اللهم صل على نور الأنوار وسر الأسرار وترياق الأغيار ومفتاح باب اليسار سيدنا محمد المختار واله الأطهار واصحابه الأخيار عدد نعم الله وإفضاله اما بعد : فيا أيها المؤمنون... أوصيكم ونفسي بتقوى الله.. فقد فاز المتقون..

قال الله تعالى : يِا أَيُّهَا الَّذِينَ آمَنُواْ إَن تَتَّقُواْ اللّهَ يَجْعَل لَّكُمْ فُرْقَاناً وَيُكَفِّرْ عَنكُمْ سَيِّئَاتِكُمْ وَيَغْفِرْ لَكُمْ وَاللّهُ ذُو الْفَضْلِ الْعَظِيمِ -٢٩- الانفال

Hadirin Jama’ah Jum’ah ingkang dipun mulyaaken dening Alloh Subhanahu wa Ta’ala langkung rumiyen monggo kito tansah ambagusi anggenipun kito nglampahi wasiyat Taqwalloh, inggih meniko kelawan ikhlas nglampahi perkawis ingkang dipun ridhani Alloh lan nebihi perkawis ingkang mboten dipun ridhani dening Alloh. Mugi-mugi lantaran kito tansah nglampahi estu wasiyat Alloh meniko kito dipun dadosaken kalian Alloh termasuk golongan ingkang nerampi warisan Alloh arupi Suwargo wonten ing akhirat Amin ya Robbal ‘Alamin.

Hadirin jama’ah jum’ah Hafidzokumulloh

Gesang wonten ing dunyo meniko, ten pundi ke mawon papan panggenanipun, sedoyo ingkang andadosaken betah lan kraos inggih puniko menawi manah lan batin kulo panjenengan sami tenang. Lan ketenangan manah kulo panjenengan sami namung saged karaosake naliko kito manut dumateng Alloh SWT lan Rosulipun, keranten tiang ingkang angsal ketenangan batin meniko piyambake dipun perhatosaken kalian Alloh SWT. Termasuk wonten gesang meniko monggo kito tansah mbeneri manah kito kanti mbeneraken pengucap kelawan amal, mbeneraken amal kelawan niat lan ikhlas lan mbeneri niat lan ikhlas kelawan mbersihi manah, keranten nopo? Mboten sanes keranten manah meniko dados sumber lan poko’ipun sedoyo pendamel. Gusti Rosul dawuh :

الا ان في الجسد مضغة اذا صلحت صلح سائر الجسد واذا فسدت فسد سائر الجسد الا وهي القلب

Saktemene ono ing jerone jasad iku ono sekerat daging, naliko daging iku apik moko apik sekarine jasad lan naliko daging iku rusak moko rusak sekarine jasad, ilingo daging iku yoiku ati

Hadirin jama’ah jum’ah Hafidzokumulloh

Milo wajib tumraping kito tiyang Islam saksampunipun mangertosi hadis puniko, nemen-nemeni lan ngerahaken sedoyo perhatosan kangge mbeneri, mbagusi lan njejegaken manah kito. Ampun ngantos manah kito kebak kelawan perkawis awon, lan ampun ngantos manah kito karebut dening tipu dayanipun syetan ingkang mboten mantun-mantun angsalipun nggudo kulo panjenengan. Milo wonten pundi mawon papan panggenan kito lan wonten wekdal kapan mawon monggo kito jogo kelawan estu manah kito, kito usaha ngebaki kelawan kesahenan-kesahenan, supados sedoyo ingkang bade lumampah saking awak kito kalebet amalan sahe ingkang dipun remeni Alloh SWT lan sedoyo makhluqipun.

Poro Ulama ndawuhake, kengeng nopo manah meniko di arani “Al Qolbu” ingkang artosipun bolak-balik ? mboten sanes keranten “li taqollubiha” inggih puniko artosipun keranten sifate manah ingkang mbolak-mbalik.

Hadirin jama’ah jum’ah Hafidzokumulloh

Entene manah ingkang nggadahi sifat mbolak-mbalik meniko, kejawi kito njogo ngebaki kelawan kesahenan, kito ugi kedah ngatah-ngatahi nyuwun dumateng Alloh SWT supados manah kito dipun tetepaken ingatase agami Islam. Sahinggo ndadosaken kito mbenjang saged sowan Alloh kelawan netepi Agaminipun, Ing mriki Gusti Rosul ugi sampun paring teladan wonten do’anipun :

يا مقلب القلوب ثبت قلبي على دينك

Duh Gusti ingkang mbolak-mbalik aken manah, mugi panjenengan tetepaken manah kulo ingatase Agami Panjenengan

Gusti Alloh piyambak wonten Al Qur’an nyriosaken panyuwunipun Nabi Ibrohin AS :

..ولا تخزني يوم يبعثون, يوم لا ينفع مال ولا بنون الا من اتى الله بقلب سليم

..lan mugi ampun paring susah Panjenengan dumeteng kulo ing dinten manungso dipun bangkitaken. Inggih puniko dinten ingkang bondo lan anak turun mboten saged manfa’ati kejawi tiang ingkang sowan marang Alloh kelawan manah ingkang selamet

Hadirin jama’ah jum’ah Hafidzokumulloh

Manah ingkang salim inggih meniko manah ingkang selamet sangking lelampahan syirik, nifaq utawi munafiq, bid’ah utawi nyembah Alloh tanpo ilmu ingkang bener lan selamet saking akhlaq ingkang awon kados dene sombong, pamer, drengki, nggunjing marang sami tiang islam lan sakpanunggalipun.

Keranten sedoyo wau mboten ndadosaken manah ingkang salim nanging malah ndadosaken manah ingkang atos ingkang mboten saged katrampi dening Alloh SWT. Sahinggo Alloh SWT nyifati kawulanipun sholeh ingkang tumancep ingdalem ilmu agami kelawan kawulo ingkang sabar, kawulo ingkang seneng nyuwun pitulung dumateng Alloh lan kawulo ingkang semangat anggenipun piyambake mbagusi manahipun. Milo wonten do’anipun, kawulo sholeh puniko tansah nyuwun dumateng Alloh supados manahipun mboten dicabut sangking hidayah lan tansah pinaringan Rohmat.

ربنا لا تزغ قلوبنا بعد اذ هديتنا وهب لنا من لدنك رحمة انك انت الوهاب

Duh Pengeran kulo, mugi ampun nyabut Panjenengan dumateng ati kulo sak sampunipun paring pitedah Panjenengan ing kulo lan mugi paring rohmat Panjengan ing kulo, setuhune Panjenengan estu Dzat ingkang katah peparinganipun.

Hadirin jama’ah jum’ah Hafidzokumulloh

Mugi kelawan pangertosan meniko kito saged tansah langkung nemeni njagi manah kito saking perkawis ingkang saged ngatosake manah tumuju marang manah ingkang salim. Amiin ya robbal ‘alamin.

بارك الله لي ولكم في القران العظيم ونفعني واياكم بما فيه من الايات والذكر الحكيم وتقبل مني ومنكم تلاوته انه هو السميع العليم

Read More

SYA’BAN WULAN MULYO (MALEM NISHFU SYA’BAN)

الحمد لله الذي هدانا لهذا وما كنا لنهتدي لولا ان هدانا الله. اشهد ان لا اله الا الله وحده لاشريك له, وا شهد ان محمدا عبده ورسوله. اللهم صل على نور الأنوار وسر الأسرار وترياق الأغيار ومفتاح باب اليسار سيدنا محمد المختار واله الأطهار واصحابه الأخيار عدد نعم الله وإفضاله اما بعد : فيا أيها المؤمنون... أوصيكم ونفسي بتقوى الله.. فقد فاز المتقون..

قال الله تعالى : يِا أَيُّهَا الَّذِينَ آمَنُواْ إَن تَتَّقُواْ اللّهَ يَجْعَل لَّكُمْ فُرْقَاناً وَيُكَفِّرْ عَنكُمْ سَيِّئَاتِكُمْ وَيَغْفِرْ لَكُمْ وَاللّهُ ذُو الْفَضْلِ الْعَظِيمِ -٢٩- الانفال

Hadirin jama’ah Jum’ah ingkang minulyo

Sepindah kulo ngaturaken wasiyat Taqwalloh (Taqwo dumateng Alloh) kanti nindaake sedoyo perintah Alloh lan nebihi sedoyo awisanipun. Mugi kelawan taqwo meniko kito saged angsal kesahenan2 ingkang dipun janjiaken Alloh wonten Al Qur’an. Amin.

Jama’ah jum’ah hafidzokumulloh

Wulan meniko wulan sya’ban. Tiyang jawi ngarani sya’ban meniko kelawan wulan ruwah. Wulan ruwah meniko poro hadirin, inggih puniko wulan ingkang wonten ing antarane kaleh wulan ingkang mulyo inggih puniko rejeb lan poso. Menawi wonten perkawis menopo mawon ingkang kubengan kelawan perkawis mulyo moko perkawis meniko bakal mulyo ugi, semanten ugi kelawan wulan sya’ban utawi ruwah meniko. Kejawi sangking puniko, sya’ban ugi kalebet wulan ingkang ugi dipun mulyaaken dening Alloh. Saklebetipun wulan meniko wonten kedadosan-kedadosan ugi perkawis ingkang kedah dipun mangertosi tumraping tiyang islam sedoyo. Antawisipun

1. Kedadosan Tahwiilul Qiblah (owahing qiblah sholat) inggih puniko pindahing qiblah tiyang islam saking madep wonten baitul maqdis ing negari palestina tumuju utawi pindah madep marang baitulloh wonten ing mekkah. Alloh SWT dawuh :

قَدْ نَرَى تَقَلُّبَ وَجْهِكَ فِي السَّمَاء فَلَنُوَلِّيَنَّكَ قِبْلَةً تَرْضَاهَا فَوَلِّ وَجْهَكَ شَطْرَ الْمَسْجِدِ الْحَرَامِ وَحَيْثُ مَا كُنتُمْ فَوَلُّواْ وُجُوِهَكُمْ شَطْرَهُ وَإِنَّ الَّذِينَ أُوْتُواْ الْكِتَابَ لَيَعْلَمُونَ أَنَّهُ الْحَقُّ مِن رَّبِّهِمْ وَمَا اللّهُ بِغَافِلٍ عَمَّا يَعْمَلُونَ -١٤٤-

Temen ingsun ngaweruhi madeping wajah iro ing langit, moko temen ingsun bakal ngengo’aken iro madep marang qiblah kang iro senengi. Moko becik madepno siro ing wajah iro marang arah Masjidil Harom. Lan ono ing panggonan sisih endi wae, siro madepo marang arah masjidil harom.. (QS Albaqoroh 144)

2. Kedadosan bilih saben wonten wulan sya’ban meniko amal poro kawulo dangunipun 1 tahun dipun aturaken marang Alloh SWT. Rosululloh dawuh :

ذاك شهر يغفل الناس عنه بين رجب ورمضان وهو شهر ترفع فيه الأعمال الى رب العالمين واحب ان يرفع عملي وانا صائم

Puniko wulan ingkang manungso sami lali. Antarane rojab lan romadhon. Puniko wulan diangkatipun amal-amal manungso marang pengeran ingkang mengerani alam kabeh. Lan aku demen naliko diangkat amalku aku ono ing kahanan poso (HR Nasa’i)

3. Dipun tento’ake umur manungso. Maksudipun poro hadirin, wonten lebeting saben wulan sya’ban meniko Alloh nento’aken sinten-sinten saking kawulane ingkang bade dipundut umuripun kalian Alloh SWT. Rosululloh SAW dawuh :

ان الله يكتب فيه على كل نفس ميتة تلك السنة فاحب ان يأتيني اجلي وانا صائم

Sa’temene Alloh nento’aken ono ing wulan iki saben awak-awakan kang arep kapundut ing tahun iki, moko aku demen menowo ajalku teko aku kahanan poso (HR Abu Ya’la)

Jama’ah Jum’ah Hafidzokumulloh

Selajengipun wonten wulan sya’ban enten wengi ingkang kawastanan wengi Nishfu Sya’ban. Inggih puniko malem 15 sya’ban. Malem nishfu sya’ban meniko malem ingkang dimulyaake dening Alloh. Alloh SWT temurun wonten langit dunyo awit saking surupe serngenge dinten 14 sya’ban ngantos wayah fajare tanggal 15 sya’ban. Ing ngriku Gusti Rosul nerangaken bilih Alloh bakal maringi pangapuran dumateng sinten mawon tiyang ingkang wengi puniko nyuwun pangapuran saking Alloh, Alloh bakal paring kawelasan ugi dumaten sinten mawon ingkang nyuwun kawelasanipun. Sedoyo masalah lan kesusahan tiyang ingkang anggadahi kesusahan Alloh ugi bakal paring kegampilan. Wonten Hadist Nabi dipun terangaken bilih sawijining dinten gusti rosul dipun rawuhi malaikat jibril, banjur malaikat matur dumateng nabi : wengi meniko wengi nishfu sya’ban. Ing wengi meniko gusti Alloh kagungan tiyang-tiyang ingkang dipun selametaken kaliyan Alloh saking geni neroko cacahipun katahe wilangane wulu domba bani kalb. Lan ing wengi puniko Alloh mboten bakal ningali (tegesipun boten bakal paring kawelasan) dumateng tiyang ingkang nyekuto’ake Alloh, tiyang ingkang munafiq, tiyang ingkang megot seduluran, tiyang ingkang wani marang tiyang sepuh lan tiyang ngelanggengake nginum arak.

Hadirin Jama’ah jum’ah ingkang minulyo Hafidzokumulloh

Milo saking meniko monggo sesarengan kito sami nguripaken malem nishfu sya’ban ingkang insya Alloh bade dawah benjing malem ahad. Saged nglampahi kelawan piyambak-piyambak wonten griyo utawi kanti berjamaah wonten pundi mawon panggenan. Nguripaken kelawan amalan-amalan ingkang sholeh, saged arupi sholat tahajjud, maos Al Qur’an, maos surat Yasin, istighfar, sholawat utawi dungo nyuwun dumateng gusti Alloh sedoyo kekarepan lan kebetahan kulo panjenengan sami. Langkung-langkung wonten ing rinane tgl 15 sya’ban benjing kulo panjenengan saged nglampahi poso sya’ban, kados dene ingkang sampun dipun contohaken kaliyan gusti rosul SAW.

Siti ‘Aisyah RA, garwanipun Rosulillah SAW dawuh :

كان رسول الله صلى الله عليه وسلم ما استكمل صيام شهر قط الا شهر رمضان وما رأيته في شهر أكثر صياما منه في شعبان

Rosululloh SAW ora nyempurnakno poso sakwulan mung kejobo ono ing wulan Romahon. Lan ingsung ora weruh Rosululloh SAW akeh posone ingdalem sakwulan kejobo ono ing wulan sya’ban. (HR Bukhori, Muslim lan Abu Dawud)

Hadirin Jama’ah jum’ah ingkang minulyo Hafidzokumulloh

Milo saksampunipun kito mangertosi keagunganipun wulan sya’ban lan wengi soho dintene nisyfu sya’ban, mugi saged nambahing kito ngibadah wonten lebeting wulan meniko kangge ngadepi wulan Romadhon ingkang bade dumugi. Lan mugi kito tansah pinaringan kekiatan khususipun kangge nguripi wengi lan dintene nishfu sya’ban kelawan ibadah, dungo lan puoso. Amin Ya Robbal ‘alamin.

وَالْعَصْرِ -١- إِنَّ الْإِنسَانَ لَفِي خُسْرٍ -٢- إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ -٣-

بارك الله لي ولكم في القران العظيم ونفعني واياكم بما فيه من الايات وذكر الحكيم وتقبل مني ومنكم تلاوته انه هو السميع العليم

Read More

WA BIL ISLAAMI DIINAA

الحمد لله الذي هدانا لهذا وما كنا لنهتدي لولا ان هدانا الله. اشهد ان لا اله الا الله وحده لاشريك له, وا شهد ان محمدا عبده ورسوله. اللهم صل على نور الأنوار وسر الأسرار وترياق الأغيار ومفتاح باب اليسار سيدنا محمد المختار واله الأطهار واصحابه الأخيار عدد نعم الله وإفضاله اما بعد : فيا أيها المؤمنون... أوصيكم ونفسي بتقوى الله.. فقد فاز المتقون..

قال الله تعالى : يِا أَيُّهَا الَّذِينَ آمَنُواْ إَن تَتَّقُواْ اللّهَ يَجْعَل لَّكُمْ فُرْقَاناً وَيُكَفِّرْ عَنكُمْ سَيِّئَاتِكُمْ وَيَغْفِرْ لَكُمْ وَاللّهُ ذُو الْفَضْلِ الْعَظِيمِ -٢٩-    الانفال

Hadirin Jama’ah Jum’ah ingkang dipun mulyaaken dening Alloh Subhanahu wa Ta’ala langkung rumiyen monggo kito tansah ambagusi anggenipun kito nglampahi wasiyat Taqwalloh, inggih meniko kelawan ikhlas nglampahi perkawis ingkang dipun ridhani Alloh lan nebihi perkawis ingkang mboten dipun ridhani dening Alloh. Mugi-mugi lantaran kito tansah nglampahi estu wasiyat Alloh meniko kito dipun dadosaken kalian Alloh termasuk golongan ingkang nerampi warisan Alloh arupi Suwargo wonten ing akhirat Amin ya Robbal ‘Alamin.

Hadirin jama’ah jum’ah Hafidzokumulloh

Saksampunipun kito ridho lan ngeyakini estu bilih Alloh dados dzat ingkang wajib kito sembah lan sedoyo perintahipun wajib kito lampahi. Milo kito ugi kedah yakin estu bilih sedoyo ajaran ingkang dipun beto dening kanjeng Nabi Muhammad SAW meniko leres, mboten wonten cacatipun lan cocok marang sedoyo mongso. Sebab kanjeng Nabi meniko ingkang dados rosulipun lan ingkang nyampeaken dumateng kulo panjenengan sami sedoyo syari’atipun Alloh SWT. Ingkang ing ngriki sedoyo syari’at meniko saget kito mangertosi sesarengan wonten lebeting agami ingkang kito ridhoi inggih puniko agami Islam.

Hadirin jama’ah jum’ah Hafidzokumulloh

Islam meniko agami ingkang dipun ridhani kalian Alloh SWT, ingkang pundi sedoyo ajaranipun dipun perjuangaken kanjeng nabi dangunipun 23 tahun. Kelawan mongso 23 tahun meniko Alloh dadosaken Islam sumebyar wonten sedoyo papan panggenan ing ngalam dunyo meniko. Wonten Al Qur’an Alloh SWT nyebataken :

ان الدين عند الله الإسلام

“saktemene agami ingkang katrampi Alloh meniko Islam....”

Sangking mriki sampun jelas bilih ayat meniko kabar saking Alloh SWT menawi agami ingkang katrampi menggahipun Alloh meniko Islam lan mboten nerampi liyane Islam. Ingkang pundi ajaran agami Islam meniko ajaran ingkang dipun ajaraken kalean poro rosul, awit saking Nabiyulloh Adam AS ngantos Nabi Pungkasan Muhammad SAW.

Hadirin jama’ah jum’ah Hafidzokumulloh

Minongko bagian saking umat Islam monggo kito sareng-sareng jagi lan ngagungake sedoyo ingkang dados syi’aripun agami Islam. Masjid lan Musholla kito rameaken kelawan sholat jama’ah 5 wekdal. Al Qur’an ingkang dados kitab lan panutan kito monggo dipun langgengaken anggenipun kito maos lan melajari. Putro wayah kito monggo kito wulang kelawan nilai-nilai sahe ajaran agami Islam. Kempalan dzikir lan majlis ilmu monggo kito dugeni lan kito semarakaken kangge ngudi barokah lan nepung ing sanak famili tiang islam. Lan sakpanunggalipun. Sedoyo meniko supados kito tambah dinten tambah kuat keimanan lan keistiqomahan kito, sahinggo Islam bener2 tumancep wonten jiwo kito.

Sanes saking meniko kito ugi kedah ngraos bungah tur remen dipun sarengi syukur dumateng Alloh SWT, bilih punopo kito Alhamdulillah kaparingan hidayah saking Alloh SWT kelawan ngeyakini agami Islam meniko. Mboten sekedik tiyang ingkang nggadeaken agaminipun kelawan perkawis dunyo lan mboten sekedik ugi tiyang ingkang niya2aken hidayah Alloh meniko hinggo piyambake mboten purun nglampahi syari’atipun Alloh SWT Na’udzu billah tsumma ns’udzu billah

Hadirin jama’ah jum’ah Hafidzokumulloh

Milo monggo kito ramut hidayah saking Alloh meniko, ampun ngantos hidayah meniko dipun cabut maleh kalean Alloh lan ampun ngantos Islam meniko ical saking jiwo kito. Keranten Islam meniko dados bukti yen kapan kulo panjenengan Iman dumateng Alloh SWT lan Rosululloh SAW kelawan ikrar kito Asyhadu allaa ilaaha illallooh wa Asyhahu anna muhammadar Rosuulullooh. Ngantos keranten saking pentinge hidayah “agami Islam” meniko kito dipun tuntun lan dipun contohi kalean poro salafu sholeh supados do’a Alloohumma tawaffanaa muslimiin wa alhiqnaa bis shoolihiin Duh Alloh mugi panjenengan pejahaken kulo mbeto agami Islam lan mugi panjenengan pertemuaken kulo kalean tiang2 sholeh. Meniko do’a sanget dipun anjuraken kalean poro ulama. Wonten Al Qur’an Alloh SWT ugi dawuh

يَا أَيُّهَا الَّذِينَ آمَنُواْ اتَّقُواْ اللّهَ حَقَّ تُقَاتِهِ وَلاَ تَمُوتُنَّ إِلاَّ وَأَنتُم مُّسْلِمُونَ -١٠٢-

Hai wong-wong akeh kan podo iman, Taqwo’o sliramu kabeh marang Alloh kelawan bener2 taqwo. Lan temen ojo mati sliramu kabeh kejobo sliramu netepi agami Islam (Ali Imron 102)

Hadirin jama’ah jum’ah Hafidzokumulloh

Selajengipun kito kedah hormat dumateng sedoyo tiyang Islam, wonten pundike mawon panggenan lan kados nopo ke mawon rupine. Kito kedah saling hormat-menghormati, mboten angsal saling padu tur sengit2an, mboten angsal ngraos menang piambak, selami kito seiman, kito wajib njagi setunggal lan setunggalipun, wajib saling memperhatosaken lan sakpanunggalipun. Ananging kito ugi kedah ngraos sengit dumateng sinten ke mawon ingkang ngrusak Islam, ingkang ngrusak syi’ar2 Islam, ingkang ngrusak ajaran2 Islam. Lewat pundi ke mawon. Kito wajib ngalang2i sedoyo perkawis ingkang saged ngrusak agami kito meniko.

Ingkang terakhir :

Al Habib Abdulloh Alawi Al Haddad dawuh : lan tiang ingkang ridho kelawan Islam dados agaminipun moko piyambake sampun mesti bakal ngegungake sedoyo kemulyaan lan ingkang dados syi’aripun Islam. Kapeng kaleh piyambake mesti bakal temen2 lan semangat anggenipun pados pangertosan lan ngamal kebagusan kangge nguataken lan nambahi keyakinan lan keistiqomahan wonten Islamipun. Piyambake ugi mesti nggadahi raos bungah tur remen kelawan Islamipun lan khawatir sanget menawi Islamipun kacabut. Marang sedoyo umat Islam piyambake hormat lan marang sedoyo ingkang kufur piyampake sengit lan ngadohi.

Hadirin jama’ah jum’ah Hafidzokumulloh

Mugi kulo panjenengan sami pinaringan kuat Iman lan Islam saking Alloh SWT, sahinggo mbenjang kito sowan wonten ngarsanipun Alloh SWT kanti mbeto Iman lan Islam lan kalebet tiang ingkang slamet dunyo akhirat Amin Ya Robbal ‘Alamin

وَالْعَصْرِ -١- إِنَّ الْإِنسَانَ لَفِي خُسْرٍ -٢- إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ -٣-

بارك الله لي ولكم في القران العظيم ونفعني وإياكم بما فيه من الأيات وذكر الحكيم وتقبل مني ومنكم تلاوته إنه هو السمسع العليم

Read More

RODHIITU BILLAAHI ROBBAA

الحمد لله الذي هدانا لهذا وما كنا لنهتدي لولا ان هدانا الله. اشهد ان لا اله الا الله وحده لاشريك له, وا شهد ان محمدا عبده ورسوله. اللهم صل على نور الأنوار وسر الأسرار وترياق الأغيار ومفتاح باب اليسار سيدنا محمد المختار واله الأطهار واصحابه الأخيار عدد نعم الله وإفضاله اما بعد : فيا أيها المؤمنون... أوصيكم ونفسي بتقوى الله.. فقد فاز المتقون..

قال الله تعالى : يِا أَيُّهَا الَّذِينَ آمَنُواْ إَن تَتَّقُواْ اللّهَ يَجْعَل لَّكُمْ فُرْقَاناً وَيُكَفِّرْ عَنكُمْ سَيِّئَاتِكُمْ وَيَغْفِرْ لَكُمْ وَاللّهُ ذُو الْفَضْلِ الْعَظِيمِ -٢٩-    الانفال

Hadirin Jama’ah Jum’ah ingkang dipun mulyaaken dening Alloh Subhanahu wa Ta’ala langkung rumiyen monggo kito tansah ambagusi anggenipun kito nglampahi wasiyat Taqwalloh, inggih meniko kelawan ikhlas nglampahi perkawis ingkang dipun ridhani Alloh lan nebihi perkawis ingkang mboten dipun ridhani dening Alloh. Mugi-mugi lantaran kito tansah nglampahi estu wasiyat Alloh meniko kito dipun dadosaken kalean Alloh termasuk golongan ingkang nerampi warisan Alloh arupi Suwargo wonten ing akhirat Amin ya Robbal ‘Alamin.

Hadirin jama’ah jum’ah Hafidzokumulloh

Alhamdulillah kito bersyukur dumateng Alloh Subhanahu wa Ta’ala ingkang sampun netepaken manah kito kangge Ridho bilih Alloh Pengeran kito, Islam Agami kito, kanjeng Nabi Muhammad dados nabi lan rosul junjungan kito. Ugi Al qur’an dados pedoman kito, ka’bah dados Qiblat kito lan sedoyo tiyang ingkang beriman dados sederek kito. Sedoyo meniko bilih kito estu ridho kanti ikhlasing manah milo kito bakal saged ngraosaken manisipun iman ugi kito bakal estu-estu dipun perhatosaken kalian Alloh kelawan kerelaanipun. Rosululloh Shollallohu ‘alaihi wa sallam dawuh :

ذاق طعم الإيمان من رضي بالله ربا وبالإسلام دينا وبمحمد نبيا

“bakal ngraosaken iman tiyang ingkang ridho (nerampi kanti ikhlasing manah) bilih Alloh dados pengeranipun, Islam dados Agaminipun lan Nabi Muhammad dados Nabinipun”

Hadirin jama’ah jum’ah Hafidzokumulloh

Kito kedah mangertosi bilih tiyang ingkang ridho kelawan Alloh Subhanahu wa Ta’ala berarti piyambakipun ugi ridho kelawan sedoyo aturan2 Alloh lan perkawis ingkang dados pilihan Alloh kangge piyambake, ridho kelawan ketentuanipun Alloh dumateng piyambake lan purun nerampi ikhlas kelawan rizqi ingkang dipun bagi dening Alloh kangge piyambake. Berarti wonten mriki mboten wonten kata ngersulo bilih sanes wekdal Alloh paring perkawis ingkang mboten cocok wonten ing manah, mboten getun bilih sanes wekdal Alloh paring rizqi sekedik utawi Alloh mboten naqdiraken sebagian saking kekarepanipun. Balik tiyang puniko bakal dadosaken sedoyo niku wau Ibroh utawi pelajaran kangge piyambake. Wonten babagan ibadah, tiyang ingkang ridho kelawan Alloh meniko bakal ngelanggengake to’at kelawan Alloh, ngrekso estu kelawan fardu2nipun lan nebihi sedoyo ingkang haram “ingkang mboten dipun remeni Alloh”. Menawi Alloh nurunake bala’ yekti piyambakipun bakal sabar nerampi lan syukur dumateng ni’mat2 ingkang katrampi saking Alloh lan akhiripun piyambake demen sanget saged pinanggihan Alloh wonten suwarginipun.

Bapak Ibu Hadirin Jama’ah Jum’ah Hafidzokumulloh

Sedoyo ingkang sampun kawulo aturaken wau inggih puniko gambaran sifat lan tindak tanduk tiyang ingkang ridho kelawan Alloh SWT. Menawi kito purun merhatosaken estu, kito bakal mangertosi bilih “leres” Alloh SWT bakal temen ridho dumateng tiyang puniko lantaran sifat lan tindak tandukipun ingkang jejeg. Lan mboten wonten panenan ingkang langkug sahe katimbang angsal pangridhan saking Alloh SWT. Menawi Alloh sampun ridho, sedoyo do’anipun bakal dipun kabulaken, kekarepanipun ugi bakal dipun ijabahi lan menopo ingkang dipun remeni dipun perhatosaken kalian Alloh. Maa Syaa-Allooh laa quwwata illaa billaah. Milo saking meniko, monggo kito sareng2 kelawan estu ingkang sepindah nguataken greged anggadahi raos ridho kelawan Alloh SWT ingkang dados pengeran kito. Ampun ngantos nggadah keyakinan bilih enten kekuatan saking sakliyane Alloh, Sedoyo menopo ingkang Alloh SWT taqdiraken kangge kito monggo kito terampi kanti ikhlas. Ampun ngantos kito Suu-udzdzon utawi awon penyanan marang Alloh. Alloh ingkang langkung nggadahi hak dumateng sedoyonipun termasuk kito sedoyo. Kito kedah saged memposisikan awak kito dados hamba ingkang mangertosi bendaranipun. Ampun ngantos damel piloro nopo maleh awon penyono. Sebab kados dene menungso ingkang anggadahi raos cemburu naliko perasaanipun dipun rusak kalian sanesipun, Alloh ugi nggadahi kados mekaten. Sawiining dinten Rosululloh dawuh dumateng poro shohabatipun wekdal wonten shohabat ingkang kaparingan asmo Sa’ad. Ingkang gadah raos cemburu sanget menawi wonten tiyang mlebet wonten griyanipun naliko piyambake mboten wonten griyo. Rosululloh SAW dawuh : “ingsun temen luwih gadah raos cemburu tinimbang Sa’ad, lan Alloh langkung-langkung luwih gadah raos cemburu tinimbang sedoyo makhluqipun. Dipun terasaken kalean kanjeng nabi bilih raos cemburunipun Alloh meniko naliko menopo perkawis inkang dipun haramaken dipun lampahi kalean makhluqipun. وغيرة الله ان تؤتى محارمه

Hadirin jama’ah jum’ah Hafidzokumulloh

Mugi2 kanti pangertosan wau kito dipun paringi Alloh kekuatan lan kesabaran kangge kito supados saged estu masrahaken awak kito ikhlas nerampi kelawan Alloh SWT Dzat ingkang ngeramut sedoyo makhluqipun wonten ing dunyo meniko ingkang anggadahi hak mutlak dipun sembah lan dipun tuhoni sedoyo Firmanipun.

بارك الله لي ولكم في القران العظيم ونفعني واياكم بما فيه من الايات والذكر الحكيم وتقبل مني ومنكم تلاوته انه هو السميع العليم

Read More