الحمد لله الذي هدانا لهذا وما كنا لنهتدي لولا ان هدانا الله. اشهد ان لا اله الا الله وحده لاشريك له, وا شهد ان محمدا عبده ورسوله. اللهم صل على نور الأنوار وسر الأسرار وترياق الأغيار
ومفتاح باب اليسار سيدنا محمد المختار واله الأطهار واصحابه الأخيار عدد نعم الله وإفضاله اما بعد : فيا أيها المؤمنون... أوصيكم
ونفسي بتقوى الله.. فقد فاز المتقون..
قال الله تعالى : يِا
أَيُّهَا الَّذِينَ آمَنُواْ إَن تَتَّقُواْ اللّهَ يَجْعَل لَّكُمْ فُرْقَاناً وَيُكَفِّرْ عَنكُمْ
سَيِّئَاتِكُمْ وَيَغْفِرْ لَكُمْ وَاللّهُ ذُو
الْفَضْلِ الْعَظِيمِ -٢٩- الانفال
Hadirin Jama’ah Jum’ah ingkang dipun mulyaaken dening
Alloh Subhanahu wa Ta’ala langkung rumiyen monggo kito tansah
ambagusi anggenipun kito nglampahi wasiyat Taqwalloh, inggih meniko kelawan
ikhlas nglampahi perkawis ingkang dipun ridhani Alloh lan nebihi perkawis
ingkang mboten dipun ridhani dening Alloh. Mugi-mugi lantaran kito tansah
nglampahi estu wasiyat Alloh meniko kito dipun dadosaken kalian Alloh termasuk golongan ingkang nerampi
warisan Alloh arupi Suwargo wonten ing akhirat Amin ya Robbal ‘Alamin.
Hadirin jama’ah jum’ah Hafidzokumulloh
Kulo panjenengan wekdal
puniko sampun mlebet wulan penghujung saking tahun 2020, saestu saged karaosaken
bilih gantosipun mongso puniko cepet sanget, kados2 tahun 2020 puniko nembe mawon
dumugi, sakmeniko sampun bade telas, sekedap malih dumugi tahun 2021. Kraos ugi
kanti cepetipun gantose mongso, kulo panjenengan sami kados2 dereng saged
ngamal ingkang katah, keranten katah saking umumipun kulo jenengan sami teledor
ingdalem gageh2an ngamal, langkung katah nunda ngamal sahe katimbang sanesipun.
Tahun 2020 puniko katah
sanget Alloh SWT paring peringatan dumateng kulo jenengan sami lewat ayat2
utawi kedadosan2 ingkang sedoyo kekuatan makhluq mboten kuwaos ngandek
kedadosan puniko.
Kedadosan permusuhan ing
antawisipun sesami manungso, sesami umat agami Islam. Kedadosan katah sanget
Alloh nurunaken cubo, rusake alam, bencana banjir, penyakit, wabah, virus lan
sakpanunggalipun. Termasuk ugi wonten tahun 2020 puniko katah sanget Alloh SWT
ngangkat umur tiyang2 ingkang Sholeh, tiyang2 ingkang alim, poro dzurriyah
utawi putrowayah Rosululloh, poro wali2 Alloh ingkang dados punjering gesang
kulo jenengan sami ing alam dunyo puniko. Ingkang kapundutipun sedoyo wau mboten
saged kulo jenengan nyono sakderengipun. Langkung saking 100 an poro ulama
dunia, habaib lan poro wali ingkang kapundut wonten tahun meniko. Termasuk kolowau
dalu 6 Ulama Habaib Indonesia kapundut ugi sowan ngarsanipun Alloh SWT. Innaa lillaahi
wa innaa ilaihi rooji-un.
Hadirin jama’ah jum’ah Hafidzokumulloh
Rosululloh paring
gambaran kahanan puniko kanti Hadisipun :
ﻳَﺘَﻘَﺎﺭَﺏُ ﺍﻟﺰَّﻣَﺎﻥُ ﻭَﻳُﻘْﺒَﺾُ
ﺍﻟْﻌِﻠْﻢُ ﻭَﺗَﻈْﻬَﺮُ ﺍﻟْﻔِﺘَﻦُ ﻭَﻳُﻠْﻘَﻰ ﺍﻟﺸُّﺢُّ ﻭَﻳَﻜْﺜُﺮُ ﺍﻟْﻬَﺮْﺝُ
“Mongso podo peparekan (artosipun
bakal kroso dadi cepet), ilmu bakalan den angkat (kanti Alloh mejahi poro
Ulama), bakal kedadean fitnah2 (musibah2), sifat bakhil bakal den tekaake (artosipun
katah tiyang ing zaman puniko ingkang sami mentingake urusane piyambak) lan
akeh kedadean paten pinaten (artosipun katah sanget permusuhan2 ingkang mboten
saged kuwaos kito adepi)”
Hadirin jama’ah jum’ah Hafidzokumulloh
Punikolah ingkang
kawastanan Zaman Harj. Mongso ingkang dipun gambaraken ugi dening Nabi
bilih tiyang ingkang lugu sekalipun sami nderek bingung.
Saestu akal kulo
jenengan sami mboten nyandak
kangge niti2 kedadosan sedoyo wau. Ananging
saestu poro hadirin bilih sedoyo kedadosan kolowau mbeto ibroh / piwulang saking Alloh kangge kulo
jenengan sami, sampun titiwancipun kulo jenengan sami gageh2an bali dateng
Alloh SWT, bali tumuju margi ingkang dipun ridhoi Alloh lan Rosulipun, bali
gabung sesarengan poro ulama2 ingkang istiqomah, ingkang ikhlas nuntun kulo
jenengan nyedak dateng Alloh SWT. Bali ngebaki papan panggenan Ibadah, Masjid,
Musholla lan Majlis2 Ta’lim. Keranten kedadosan2 puniko sampun kalebet min Asyrootis
Saa’ah : bahagian saking tondo2 qiyamat.
Milo saestu monggo sesarengan
kulo jenengan ginaaken kesempatan gesang puniko kanti usaha melebet 4 golongan
ingkang tabah lan kuat wonten kahanan lan mongso kados pundi mawon, keranten piyambake
4 golongan wau pikantuk nadzroh rohmat (pandangan kasih sayang Alloh SWT)
ingkang kasebat wonten QS Al ‘Ashr : Nuwun inggih Golongan tiyang2 ingkang Kuat
Imanipun, tiyang2 ingkang sregep ngamal Sholeh, tiyang2 ingkang purun wasiyat2 kenceng
ingdalem perkawis bener lan tiyang2 ingkang purun wasiyat2 jejeg ingdalem
sabar.
Hadirin jama’ah jum’ah Hafidzokumulloh
Mugi kulo panjenengan sami
tansah pinaringan Maunah lan Taufiq saking Alloh SWT, saged mlebet 4 golongan
kolowau sahinggo selami gesang puniko tansah pinanggih katentreman lan kawilujengan
lan titiwancinipun benjang sowan wonten ngarsanipun Alloh SWT saged mbeto Iman
lan Islam Amin Ya Robbal ‘Alamin
وَالْعَصْرِ -١- إِنَّ الْإِنسَانَ لَفِي خُسْرٍ
-٢- إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ
وَتَوَاصَوْا بِالصَّبْرِ -٣-
بارك الله لي ولكم في القران العظيم ونفعني وإياكم بما فيه
من الأيات وذكر الحكيم وتقبل مني ومنكم تلاوته إنه هو السميع العليم