KEWAJIBAN HAJJI
الحمد لله الذي هدانا لهذا وما كنا لنهتدي
لولا ان هدانا الله. اشهد
ان لا اله الا الله وحده لاشريك له, وا شهد ان محمدا عبده ورسوله. اللهم صل على نور الأنوار وسر الأسرار وترياق الأغيار
ومفتاح باب اليسار سيدنا محمد المختار واله الأطهار واصحابه الأخيار عدد نعم الله وإفضاله اما بعد : فيا أيها
المؤمنون... أوصيكم ونفسي بتقوى الله.. فقد فاز المتقون..
قال الله تعالى : يِا
أَيُّهَا الَّذِينَ آمَنُواْ إَن تَتَّقُواْ اللّهَ يَجْعَل
لَّكُمْ فُرْقَاناً وَيُكَفِّرْ عَنكُمْ سَيِّئَاتِكُمْ وَيَغْفِرْ لَكُمْ وَاللّهُ ذُو
الْفَضْلِ الْعَظِيمِ -٢٩- الانفال
Hadirin
jama’ah Jum’ah ingkang minulyo
Sepindah kulo ngaturaken wasiyat Taqwalloh (Taqwo
dumateng Alloh) kanti nindaake sedoyo perintah Alloh lan nebihi sedoyo
awisanipun. Mugi kelawan taqwo meniko kito saged angsal kesahenan2 ingkang
dipun janjiaken Alloh wonten Al Qur’an. Amin.
Jama’ah jum’ah hafidzokumulloh
Saat2 meniko kulo panjenengan sami saweg wonten ing sakjeroning
wulan Dzul Qo’dah, utawi wulan selo. Wulan ingkang mulyo, ingkang kalebet salah
setunggaling asyhurul hurum ingkang kasebat wonten AlQur’an, inggih puniko Dzul
Qo’dah – Dzul Hijjah lan Muharrom.
Dzul Qo’dah dipun arani wulan mulyo keranten ing
antawisipun sedoyo umat Islam berangkat nindaake ibadah Haji awit wulan puniko,
lan ugi wulan ingkang dipun anjuraken supados ampun sami agawe anioyo dumateng
awak piambak utawi tiyang sanes. Sahinggo
tiyang2 arab zaman rumiyen sami kendel mboten perang lan mboten lelungan ing
sakjerone wulan puniko.
Jama’ah jum’ah hafidzokumulloh
Ibadah
hajji puniko salah setunggaling rukun islam, setunggaling pondasi islame kulo
panjenengan sami, milo sedoyo ummat islam ingkang mampu puniko wajib nindaake
ibadah haji lan umroh seumur ambal kaping pisan. Kadosdene dawuhipun Alloh SWT
:
............... وَلِلَّهِ عَلَى النَّاسِ حِجُّ البَيتِ
مَنِ استَطَاعَ
إِلَيهِ سَبِيلاۚ وَمَن كَفَرَ فَإِنَّ اللَّهَ
غَنِيٌّ عَنِ العَٰلَمِينَ
٩٧
“...
lan (setengah saking) kewajiban manungso marang Alloh yoiku nindaake ibadah
hajji marang baitulloh, yoiku kanggone wongkang kuoso nindaake perjalanan. Lan
sopo wonge ingkar marang kewajiban hajji, moko temen Alloh iku moho sugih (ora
butuh) soko sekabehe alam” (Q.S Ali Imron :
97)
Lan
ugi kanjeng nabi Muhammad SAW sampun paring pepeleng dumateng sinten mawon
ingkang sampun anggadahi bekal lan mampu nindaake perjalanan ibadah hajji, ananging
piambake mboten purun nindaake hajji moko den hawatirake mbenjang pejah ingdalem
kahanan Yahudi utawi Nashroni, Na’udzubillah tsumma na’udzubillah :
قال
عليه الصلاة والسلام : من ملك زادا و راحلة تُبلِّغُه الى بيت الله ثم لم يحج فلا
عليه ان يموت يهوديا او نصرانيا
Meniko
salah setunggal peringatan keras saking kanjeng Nabi babagan puniko. Milo
saestu mboten prayugi tumraping sedoyo ummat islam ingkang sampun mampu puniko
nunda2 saking nindaaken ibadah hajji lan umroh.
Milo
ningali katerangan kanjeng nabi puniko saestu kulo panjenengan sami monggo awit
wekdal puniko nedahake niat ingkang ikhlas, niat lan azam ingkang kuat kagem
nindaake kewajiban rukun islam ingkang nomer 5 puniko kagem nyempurnaake bangungan
islam kulo panjenengan sami. Senajan kenyataanipun, kulo panjenengan sampun
mangertos bilih kagem nindaaken hajji puniko kedah antri mapinten2 tahun,
ananging paling mboten kagem tiyang ingkang sampun mampu lajeng piambakipun
daftar hajji, lajeng antri dangu, milo piambakipun sampun gugur kewajibanipun
lan mboten ketatrapan duso keranten ninggal ibadah hajji kados dene hadis
kasebat kolowau.
Jama’ah jum’ah hafidzokumulloh
Ingkang
kawastanan mampu wonten babagan haji lan umroh puniko poro hadirin, inggih
puniko anggadahi bekal dzohir lan bekal batin, bekal batin kanti iman lan taqwa
dateng Alloh SWT, lajeng bekal dzohir inggih puniko anggadahi bekal utawi sangu
lan biaya kagem nindaake perjalanan ibadah puniko awit berangkat dumugi
wansulipun, lan ugi anggadahi bekal kagem nyekapi kewajiban nafaqoh keluarga
ingkang dipun tilar selami hajji lan umroh.
Ananging
ingkang perlu kulo panjenengan sami gatosaken inggih puniko bilih sedoyo
kemampuan puniko dumuginipun saking pangarsanipun Alloh SWT. Dzat ingkang Moho
Kuwaos. Milo mboten pandang tiyang niku Sugi utawi Faqir, puniko sedoyo kedah
anggadahi niat lan azam ingkang kuat kagem nindaake kasempurnaan rukun islam
puniko. Sarono ngatah2ake dungo supados dipun paringi kemampuan dening Alloh
SWT.
Jama’ah jum’ah hafidzokumulloh
Gambaran
kanjeng Nabi ndawuhake ing hadis kasebat kolowau mboten namung ugi keranten
saking pentinge kulo panjenengan dados kawulanipun Alloh SWT supados purun
berkorban nopoke mawon kagem netepi pengabdian / ibadah dateng Alloh, termasuk
berkorban kagem tindak hajji lan umroh. Lan ugi keranten saking agengipun
ganjaran ingkang dipun janjiaken dening Alloh SWT kagem sinten ingkang nindaake
ibadah hajji lan umroh puniko.
Ing
antawisipun kanjeng nabi ndawuhake :
افضل
الجهاد حج مبرور
“utama2ne
jihad (berkorban) yoiku ngibadah hajji” (HR
Bukhori : 1520)
وَأَنَّ
الحَجَّ يَهْدِمُ مَا كَانَ قَبْلَهُ
“lan
saktemene ngibadah hajji iku bakal nggempur opo kang ono ing sakdurunge” tegese nggempur / nglebur duso2 sak durunge (HR Muslim)
من
حج البيت فلم يرفث ولم يفسق رجع كما ولدته امه ( وفي رواية : خرج من ذنوبه كيوم
ولدته امه)
“sopo
wonge kang hajji, banjur deweke ora agawe olo lan ugo ora ngucap kang olo, moko
deweke metu soko dusa2ne koyodene deweke den lahirake soko padaran ibune” (HR. Ad Darimi)
العمرة
الى العمرة كفارة لما بينهما, والحج المبرور ليس له جزاءٌ إلا الجنة
“ngibadah
umroh siji tumeko marang ngibadah umroh liyane iku dadi pangleburing duso kang
ono ing antarane umroh karone, lan ngibadah hajji kang mabrur.. ora ono piwales
(soko Alloh) kejobo amung surgo” (HR
Bukhori)
Hadirin
Jama’ah jum’ah ingkang minulyo Hafidzokumulloh
Milo saksampunipun kito mangertosi sekedik katerangan ing khutbah puniko, monggo sesarengan
kulo panjenengan gede-ake niat lan azam kagem nindaake ibadah hajji lan umroh
puniko, kagem netepi kewajiban lan nyempurnaake pengabdian kulo panjenengan
ngibadah dateng Alloh SWT. Lan mugi lumantar niat lan azam ingkang kuat puniko
Alloh nyataake kulo panjenengan sami tindak ibadah hajji lan umroh Amin Ya Robbal ‘alamin.
وَالْعَصْرِ -١- إِنَّ الْإِنسَانَ
لَفِي خُسْرٍ -٢- إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا
بِالْحَقِّ وَتَوَاصَوْا بِالصَّبْرِ -٣-
بارك الله لي ولكم في القران العظيم ونفعني واياكم بما فيه من الايات وذكر الحكيم وتقبل مني ومنكم تلاوته انه هو السميع العليم
