الحمد لله الذي هدانا لهذا وما كنا لنهتدي لولا ان هدانا الله. اشهد ان لا اله الا الله
وحده لاشريك له, وا شهد ان محمدا عبده ورسوله. اللهم صل على نور الأنوار وسر
الأسرار وترياق الأغيار ومفتاح باب اليسار سيدنا محمد المختار واله الأطهار
واصحابه الأخيار عدد نعم الله وإفضاله اما بعد : فيا
أيها المؤمنون... أوصيكم ونفسي بتقوى الله... فقد فاز المتقون...
قال الله
تعالى : يِا أَيُّهَا الَّذِينَ آمَنُواْ إَن تَتَّقُواْ اللّهَ يَجْعَل لَّكُمْ فُرْقَاناً
وَيُكَفِّرْ عَنكُمْ سَيِّئَاتِكُمْ وَيَغْفِرْ لَكُمْ وَاللّهُ ذُو الْفَضْلِ الْعَظِيمِ -٢٩- الانفال
Hadirin jama’ah Jum’ah ingkang minulyo
Sepindah kulo ngaturaken wasiyat Taqwalloh (Taqwo
dumateng Alloh) ateges nindaake sedoyo perintah Alloh lan nebihi sedoyo
awisanipun. Mugi kanti taqwo meniko kito saged angsal perkawis ingkang sampun
dipun janjiaken Alloh SWT arupi suwargi ingkang kebak kelawan ni’mat saking
Alloh SWT Amin Ya Robbal ‘alamin.
Jama’ah
Jum’at ingkang minulyo hafidzokumulloh
Imam ‘Ali bin Abi
Tholib Karromalloohu Wajhah dawuh dumateng salah setunggaling Putranipun :
أوصيك يابني :
1.
بتقوى الله تعالى في الغيب والشهادة
2.
وبكلمة الحق في الرضا والغضب
3.
وبالقصد في الغنى والفقر
4.
وبالعدل مع الصديق والعدوّ
5.
وبالعمل في النشاط والكسل
6.
وبالرضا والشكر لله في الشدة والرخاء
Ingsun
wasiat marang sliramu hai anakku :
1.
Kelawan Taqwo utowo wedi marang Alloh ingdalem kahanan sepi lan
rame
2.
ngaturake kalimat kang haq (kalimat kang bener) ingdalem kahanan
seneng lan bendu
3.
urip kanti sedeng, jejeg anteng ingdalem kahanan sugih lan faqir
4.
netepi agawe adil marang konco lan musuh
5.
netepi ngamal ingdalem kahanan sregep lan males
6.
Ridho nriman lan Syukur marang Alloh ingdalem kahanan susah lan
seneng
Puniko 6 wasiyat
Sayyidaina Ali ingkang dipun wasiyataken dumateng putranipun.
Jama’ah
Jum’at ingkang minulyo hafidzokumulloh
Lumebet marang wasiyat ingkang ongko 2 inggih puniko “ngaturake kalimat kang haq (kalimat kang bener) ingdalem kahanan
seneng lan bendu”
Puniko setunggal
wasiyat ingkang singkat nanging jero maknanipun tur abot lampahanipun, ateges
gesang wonten alam dunyo puniko kulo panjenengan katuntut supados
jujur utawi agawe bener ingdalem sedoyo pengucap, ingdalem sedoyo pendamelan
utawi tingkah lan ingdalem sedoyo kahanan. Kulo panjenengan mboten kengeng
nyimpang saking mergi ingkang leres mung keranten perkawis bondo dunyo, jabatan
utawi kedudukan, nama baik lan sakpanunggale. Kados lumrahipun manungso umum,
katah ingkang sampun mangertosi bilih ta’at ngibadah dumateng Alloh SWT lan
nderek Gusti Rosululloh SAW puniko setunggal kewajiban ingkang dipun lampahi,
ananging katah saking kito ingkang nindaake kewajiban wau naliko saweg nandang
bungahke mawon, nanging giliran kito nandang kesusahan,, kito males2an
anggenipun nglampahi, kito ndisiake kepentingan piyambak, kito ndisiake
kepentingan sedulur, kito ndisiake kepentingan bondo tinimbang kepentinganipun
Alloh SWT. Senajan batin utawi manah kulo panjenengan sami wekdal puniko
mangertosi bilih kito saweg menomer dua kan Alloh SWT. Nikilah ingkang
kawastanan bilih kito terkadang dereng saged jujur dumateng awak piyambak.
Jama’ah Jum’at ingkang minulyo hafidzokumulloh
Kirang jujuripun kulo panjenengan wonten contoh
kolowau, selami purun nambeli nindaake kewajiban lan mboten ngantos nindaake
penyimpangan, puniko kalebet lumrah tur wajar. Ananging kosok wansulipun poro
hadirin, menawi kirang jujuripun kulo panjenengan wau ngantos nindaake perkawis
ingkang nyimpang saking aturan Islam, saking aturanipun Alloh SWT lan
Rosululloh SAW, mulo kulo panjenengan bakal pinanggih kalian cubanipun Alloh
SWT, pinanggih kalian kesesatan sahinggo dadosake duso lan tebih saking
rohmatipun Alloh SWT. Na’udzu billah tsumma na’udzubillaah. Milo ingkang leres
ing mriki hadirin, monggo sesarengan kulo panjenengan berusaha dados
kawulanipun Alloh SWT ingkang lurus,
dados pemimpin ingkang lurus, dados pejabat ingkang lurus, dados petani ingkang
lurus, dados pedagang ingkang lurus dados guru ingkang lurus, dados kyai
ingkang lurus, dados orangtua ingkang lurus, dados menantu ingkang lurus, dados
santri ingkang lurus, dados pembantu ingkang lurus lan dados rakyat ugi ingkang
lurus. Sebab poro hadirin gesang kito dados nopoke mawon puniko mboten aman
saking godanipun syaitan la’natulloh ‘alaih.
Sawijining dinten wonten zamanipun Gusti Rosululloh
SAW wonten setunggal piantun estri ingkang mundut hake piantun sanes utawi
mencuri, banjur sami musyawaroh supados angsal keringanan saking Rosululloh
SAW. Ananging naliko dipun aturaken marang Gusti Rosululloh SAW, moko
piambakipun nedahake wajah ingkang mboten remen sarono dawuh : “onoto sliramu
bakal ngajak aku kompromi karo hukume Alloh..??” banjur kanjeng Nabi nerasaken
dawuh wonten khutbah sontenipun :
أَمَّا بَعْدُ
فَإِنَّمَا أَهْلَكَ النَّاسَ قَبْلَكُمْ أَنَّهُمْ كَانُوا إِذَا سَرَقَ فِيهِمْ
الشَّرِيفُ تَرَكُوهُ وَإِذَا سَرَقَ فِيهِمْ الضَّعِيفُ أَقَامُوا عَلَيْهِ
الْحَدَّ وَالَّذِي نَفْسُ مُحَمَّدٍ بِيَدِهِ لَوْ أَنَّ فَاطِمَةَ بِنْتَ
مُحَمَّدٍ سَرَقَتْ لَقَطَعْتُ يَدَهَا
“Amma Ba’d : saktemene rusak cilakane ummat sakdurunge
sliramu iku kerono naliko ono wong mulyo kang njupuk tanpo hak, moko ora
dijumenengake hukum (ora dihukum), ananging naliko ono wong biasa kang njupuk
tanpo hak, moko dijumenengake hukum (dihukum). Demi Alloh Dzat kang Muhammad
ono ing kekuasaane, sekirane Fathimah Binti Muhammad njupuk tanpo hak moko aku
kang bakal motong tangane”
Maasyaa-Allooh laa quwwata illaa billaah
Jama’ah Jum’at ingkang minulyo hafidzokumulloh
Gambaran kejujuran puniko sampun dipun contohaken
dening Rosululloh SAW, milo kulo panjenengan ingkang dados ummatipun monggo
sesarengan nderek ngedekaken sikap ngaturake perkawis hak utawi kejujuran sak
kuwating tenogo kito. Sekalipun kulo panjenengan bakal berlawanan kalean
sedulur, tonggo utawi konco. Ananging ingkang perlu kito emut, bilih wekdal
puniko kito saweg sesarengan kalian Alloh SWT lan Rosululloh SAW. Milo mboten
perlu khawatir, sinten tiyang ingkang berusaha ngaturake perkawis ingkang haq,
Alloh nyawisi Suwargi kang kebak kalian ni’mat wonten alam Akhirat, lan kanti
keadilanipun Alloh SWT wonten alam dunyo piambake bakal dados piantun ingkang
terhormat menggahipun manungso, lang langkung2 menggahipun Alloh SWT.
Mugi kanti sekedik pangertosan ing siang puniko, kulo
panjenengan pinaringan kekiatan saking Alloh SWT kangge saged ngaturake
perkawis ingkang haq kados ingkang dados wasiyatipun Sayyidina Ali KWJ wonten
kahanan kito seneng lan bendu, Amin Ya Robbal ‘Alamin.
وَالْعَصْرِ
-١- إِنَّ الْإِنسَانَ لَفِي خُسْرٍ -٢- إِلَّا الَّذِينَ آمَنُوا وَعَمِلُوا الصَّالِحَاتِ
وَتَوَاصَوْا بِالْحَقِّ وَتَوَاصَوْا بِالصَّبْرِ -٣-
بارك الله لي ولكم في القران العظيم ونفعني وإياكم بما فيه من الأيات وذكر الحكيم وتقبل مني ومنكم تلاوته إنه هو السميع
العليم
0 komentar:
Posting Komentar