الحمد لله الذي هدانا لهذا وما كنا لنهتدي لولا ان هدانا الله. اشهد ان لا اله الا الله
وحده لاشريك له, وا شهد ان محمدا عبده ورسوله. اللهم صل على نور الأنوار وسر
الأسرار وترياق الأغيار ومفتاح باب اليسار سيدنا محمد المختار واله الأطهار
واصحابه الأخيار عدد نعم الله وإفضاله اما بعد : فيا
أيها المؤمنون... أوصيكم ونفسي بتقوى الله.. فقد فاز المتقون..
قال الله
تعالى : يِا أَيُّهَا الَّذِينَ آمَنُواْ إَن تَتَّقُواْ اللّهَ يَجْعَل لَّكُمْ فُرْقَاناً
وَيُكَفِّرْ عَنكُمْ سَيِّئَاتِكُمْ وَيَغْفِرْ لَكُمْ وَاللّهُ ذُو الْفَضْلِ الْعَظِيمِ -٢٩- الانفال
Hadirin jama’ah Jum’ah ingkang
minulyo
Sepindah kulo ngaturaken wasiyat Taqwalloh
(Taqwo dumateng Alloh) ateges nindaake sedoyo perintah Alloh lan nebihi sedoyo
awisanipun. Mugi kanti taqwo meniko kito saged angsal perkawis ingkang sampun
dipun janjiaken Alloh SWT arupi suwargi ingkang kebak kelawan ni’mat saking
Alloh SWT Amin Ya Robbal ‘alamin.
Jama’ah Jum’at ingkang minulyo
hafidzokumulloh
Imam
‘Ali bin Abi Tholib Karromalloohu Wajhah dawuh dumateng salah setunggaling
Putranipun :
أوصيك
يابني :
1.
بتقوى الله تعالى في الغيب
والشهادة
2.
وبكلمة الحق في الرضا والغضب
3.
وبالقصد في الغنى والفقر
4.
وبالعدل مع الصديق والعدوّ
5.
وبالعمل في النشاط والكسل
6.
وبالرضا والشكر لله في الشدة
والرخاء
Ingsun
wasiat marang sliramu hai anakku :
1.
Kelawan Taqwo utowo wedi marang Alloh ingdalem
kahanan sepi lan rame
2.
ngaturake kalimat kang haq (kalimat kang bener)
ingdalem kahanan seneng lan bendu
3.
urip kanti sedeng, jejeg anteng ingdalem kahanan
sugih lan faqir
4.
netepi agawe adil marang konco lan musuh
5.
netepi ngamal ingdalem kahanan sregep lan males
6.
Ridho nriman lan Syukur marang Alloh ingdalem
kahanan susah lan seneng
Puniko 6
wasiyat Sayyidaina Ali ingkang dipun wasiyataken dumateng putranipun.
Jama’ah Jum’at ingkang minulyo
hafidzokumulloh
Kito
sampun mangertosi sesarengan bilih Kutonipun ilmu puniko Sayyiduna Muhammadun
SAW lan lawangipun ilmu puniko Sayyidina Ali KWJ. Ateges punopo ingkang dipun
aturaken piyambakipun Sayyidina Ali puniko kito ugi tansah kaaturaken sanget
saged nderek ngamalaken wonten gesang kulo panjenengan sami. 6 wasiyat
Sayyidina Ali puniko, wasiyat ingkang Agung, ingkang jero ma’nanipun, sedoyo
kapundut saking Dawuh2ipun Alloh SWT lan dawuhipun Rosululloh SAW. Wasiyat
puniko saged nguwataken kaimanan kito, saged ngresiki ati saking pinten2
keawonan, Jejegaken umat Islam kelawan pinten2 kanugrahan lan kejagi sangking
kekhiyanatan sahinggo InsyaAlloh kanti nglampahi wasiyat puniko umat Islam
mboten cacat aqidah ipun.
Wasiyat
ingkang sepindah poro hadirin inggih puniko :
تقوى
الله تعالى في الغيب والشهادة
Taqwo
utowo wedi marang Alloh ingdalem kahanan sepi lan rame
Cekak
aosipun Taqwo puniko poro hadirin, inggih puniko njagi awak saking perkawis
ingkang saged ndadosaken duso lan siksanipun Alloh SWT, kanti nindaaken sedoyo
ingkang dipun perintah dening syara’ lan ngedohi sedoyo ingkang dipun awisi
dening syara’ ugi.
Setengah
saking coro kangge kito ngelampahi Taqwalloh puniko poro hadirin, poro Ulama
ndawuhaken bilih taqwo puniko dereng sampurno kejawi bilih disarengi / dikawiti
kalian :
1.
Yakin kelawan hukum2ipun Alloh SWT, nopo niku
arupi perintah utawi larangan
Artosipun
manah kito kedah mantep mboten ragu kalih sedoyo ingkang sampun dados hukumipun
Alloh SWT, awit saking perkawis ingkang ketingal alit dumugi ingkang ketingal
ageng lan abot. Kejawi saking puniko kito kedah ngeyakini kelawan estu ugi
bilih Alloh sampun nyawisake pinten2 kani’matan lan ganjaran ingkang agung kangge
sintenke mawon kawulanipun ingkang ta’at lan nyawisake sikso marang kawulo
ingkan ma’shiyat. Yakin kelawan suwargi lan nerakanipun Alloh SWT.
Naliko
keyakinan meniko sampun manteb, milo kaimanan wonten ing manah ugi bakal kuat,
mboten bakal goyah kaleh kemamangan2 ingkang dumugi, sahinggo piyambake bakal
tunduk kelawa sedoyo hukumipun Alloh SWT.
2.
Pasrah kelawan putusanipun Alloh SWT, putusan
ingkang ngremeni ing manah utawi mboten ngremeni ing manah, amergi sedoyo
putusan ingkang sampun dipun putusaken dening Alloh SWT meniko putusan ingkang
sahe kangge kito, Alloh ingkang langkung mangertosi dumateng kahanan
kawulanipun. Milo leres bilih sintenke mawon ingkang Pasrah Alloh bakal nyekapi
sedayanipun.
ومن
يتوكل على الله فهو حسبه
3.
Kandeg utawi mboten ngliwati bates2 ingkang sampun
dipun garis dening Alloh SWT. Tegesipun kito tansah lurus wonten ing merginipun
Alloh SWT, mboten doyong kiwo utowo tengen namung keranten pengaruh dunyo,
rencang utawi musuh.
4.
Shidqul ‘Ubuudiyyah, Ngabdi marang Alloh kanti
leres, nopo anane. Ngabdi kanti ngorbanaken jiwo lan rogo ananging mboten
memperberat diri, khususipun naliko piyambake manggihi kekirangan wonten ing
awakipun. Alloh langkung remen kawulo ingkang ngabdi ngibadah sekedik nanging
istiqomah katimbang katah mboten istiqomah.
5.
Ikhlas ingdalem ngabdi marang Alloh SWT. Ngabdi
puniko werni2 lan katah macemipun. Ngabdi ingkang wajib saben dinten puniko
arupi Sholat 5 wekdal, ngabdi seminggu sepindah inggih puniko Sholat Jum’ah
kangge tiang jaler, ngabdi Puoso Romadhon, Zakat lan Haji maring Baitulloh. Kejawi
saking niku ugi wonten ngabdi ingkang Sunnah ingkang sanget dipun amrih kangge
kito nglampahi, antawisipun Poso Senen Kemis, Shodaqoh, Nulung konco, Mbelo
kamulyaning Agami Islam, pitutur ingkang bagus, mulang ngaji lan toto kromo
putra-putrinipun, ngelih paku saking mergi ngantos dumugi sumeh lan mesem
marang kancane, puniko sedoyo bentuk pengabdian marang Alloh SWT. Lan Alloh
bakal paring ganjaran ageng menawi purun nglampahi sedoyo puniko kanti manah
ingkang ikhlas.
Jama’ah Jum’at ingkang minulyo
hafidzokumulloh
5 coro punikolah ingkang sampun dipun contohaken dening poro
Ulama’. Menawi 5 coro puniko dipun lampahi, milo tiyang puniko bakal angsal
kesahenan lan janji2nipun Alloh SWT wonten ing dunyo lan akhiroh, keranten
katah sanget kesahenan lan janji Alloh ingkang kasebat wonten AlQur’an lan
Hadisipun Rosulillah SAW ingkang bade dipun paringaken dumateng kawulo ingkang
Taqwalloh puniko. Rosululloh dawuh ingdalem Haji terakhiripun :
اتقوا
الله وصلّوا خمسكم وصوموا شهركم و أدّوا زكاة أموالكم وأطيعوا ما أمركم به تدخلوا
جنة ربكم
Podo Wedi lan Taqwao siro marang Alloh, Sholato 5 wektu, Posoo
ing Wulanmu (Romadhon), tekanono Zakat bondo iro, lan Ta’ato marang perkoro
kang diperintah siro, moko bakal mlebu siro ing Suwargo Pengeran iro.
Jama’ah Jum’at ingkang minulyo
hafidzokumulloh
Mugi kito tansah pinaringan kekiatan saged
nglampahi 5 coro kangge nglampahi Wasiyat ingkang sepindah arupi Taqwalloh
puniko. Amin2 Ya Robbal ‘Alamin
وَالْعَصْرِ -١- إِنَّ الْإِنسَانَ لَفِي خُسْرٍ -٢- إِلَّا الَّذِينَ
آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ
-٣-
بارك
الله لي ولكم في القران العظيم ونفعني وإياكم بما فيه من الأيات
وذكر الحكيم وتقبل مني ومنكم تلاوته إنه هو السمسع العليم
0 komentar:
Posting Komentar